Guddoomiyaha gobolka Banaadir ahna duqa magaalada Muqdisho Cumar Maxamud Maxamed (Cumar Filish) ayaa hambalyo u diray Madaxweynaha iyo Madaxweyne K/Xigeenka cusub ee Dowlad Goboleedka Galmudug Axmed Cabdi Kaariye iyo Cali Daahir Ciid oo maanta ku guuleystay doorashadii Madaxtinimo ee dowlad goboleedka Galmudug oo ka dhacday magaaalada Dhuusamareeb.
Duqa magaalada Muqdisho Cumar Filish ayaa ku amaanay Madaxweynaha dowlada federaalka Soomaaliya Maxamed Cabdullaahi Farmaajo iyo Raiisul Wasaaraha XFS Xasan Cali Khayre dadaalkii ay ku bixiyeen sidii hannaanka Maamul ee Galmudug u yeelan lahaa muuqaal ka tarjumaya ilbaxnimada, garashada, is-ogolaanshaha iyo wadajirka bulshada iyo waxgaradka Galmudug.
“Maamulka gobolka Banaadir iyo dowlada hoose ee Xamar waxay balan qaadeysaa inaan si dhaw ula shaqeyn doono oo aan garab taaganahay hogaanka cusub ee dowlad goboleedka Galmudug oo uu Madaxweynaha ka yahay Mudane Axmed Cabdi Qoor-qoor” ayaa lagu yiri Warqoraal ah oo lasoo dhigay Bogga warfaafinta ee Gobolka Banadir.
Ugu danbayn Duqa caasimada Muqdisho ayaa madaxweynaha iyo madaxweyne ku-xigeenkiisa ugu duceeyay in uu alla u fududeeyo mas’uuliyada culus ee loo doortay islamarkaana ay ku guuleystaan wajibaadka iyo howlaha culus ee horyaala.
