Gudoomiyaha Golaha Wakiilada dowlad Goboleedka Puntland Abwaan Abdirishiid Yuusuf Jibriil ayaa Maanta Xafiskiisa ku qaabiley Qunsulka Dowladda Ethiopia u Fadhiya Puntland Gen. Mabratu Waldo Aragay.
Masuuliyiinta labada dhinac ayaa ka wada hadlay Dar-dargelinta iyo Wadashaqaynta dowlad goboleedka Puntland iyo Ethiopia haddii ay ahaan laheed dhanka amaanka iyo mid ganacsiba.
Gudoomiyaha Golaha Wakiilada dowlad Goboleedka Puntland Abwaan Abdirishiid Yuusuf Jibriil ayaa Qunsulka Dowladda Ethiopia u Fadhiya Puntland ugu mahadceliyay taageerida ay dowlada Ethiopia la garab taagantahay shacabka Soomaaliyeed gaar ahaan Puntland waxaa uuna u rajeeyay in ay shaqa wanagsan dhexmari doonta labada dhinac.
