Guddiga madaxa bannaan ee xuduudaha iyo doorashooyinka dowlad goboleedka Jubbaland ayaa maanta Magaalda Kismaayo ee xarunta KMG ah ee dowlad goboleedka Jubbaland tababar ugu furey Odayaasha dhaqanka Jubbaland.
Tababarkaan ayaa la xiiriira hannaanka soo xulista Xildhibaanada Cusub ee Jubbaland yeelan doonta waxa uuna socon doona muddo Labo cisho ah.
Magaalada Kismaayo ayaa lagu wadaa in lagu qabto doorashada Baarlamaanka Cusub ee uu yeelan doona Dowlad Goboleedkaas iyo tan madaxweynaha Jubbaland.
Madaxweynaha dowlad Goboleedka Jubbaland ayaa hadda waxaa uu la kulmiyaa cadaadis siyaasadeed oo lagula wajahaayo kursiga madaxweynaha iyadoo hardan kaas uu noqonaayo kii ugu adkaa ee uu madaxweyne Ahmed Mohamed Islaam uu la kulmo tan iyo markii uu xilka madaxweyne noqday 15 bishii may, 2013.
