Weeraryahanka kooxda Barcelona ee Antoine Griezman ayaa ka hadlay wararka kooxdiisa la xidhiidhinaya Neymar iyo soo laabashada xidiga reer Brazil ee Garoonka Camp Nou. Xidiga koobka adduunka ku guulaystay ee Antoine Griezman ayaa Barcelona ku biiray xagaagan kadib markii ay bixisay lacagtii 120-ka milyan ahaa ee lagu bur-burinayay heshiiskiisa Atletico Madrid.
Antoine Griezman oo la hadlayay wargayska MARCA ayaa yidhi soo laabashada Neymar ? waxa ay arintaas dhibaato ku noqo doontaa tababare Ernesto Valverde kaas oo ay ku adkaan doonto doorashada shaxdiisa “soolaabashada Neymar ee Barcelona ayaa keentay tartan adag oo dhex mara xidigaha kooxda kuna aadan boosaska ma garanayo laakiin waa xidig fiican waanan arki doonaa waxa dhaca”ayuu yiri Griezman.
Neymar ayaa kooxdiisa PSG u sheegay in uu doonayo in uu ku laabto kooxda Barcelona xagaagan 2sano kadib markii uu lacag 222 milyan ah ugu biiray kooxda ka dhisan caasimada Paris. kooxda Barcelona ayaa dhankeeda ka shaqaynaysa sidii ay Neymar dib ugu soo celin lahayd Camp Nou iyada oo ka fiirsanaysa dalab xidigo iyo lacag in ay PSG isugu darto.
