Waxaa Gordhaw Magaalada Garoowe e caasimada dowlad goboleedka Puntland ka furmay Fadhiga 11-aad ee Kalfadhiga 46-aad Golaha Wakiillada Puntland, uu shir-guddoomiyey Guddoomiyaha Golaha Wakiillada dowlad goboleedka Puntland Cabdirashiid Yuusuf Jibriil.
Guddoomiyaha waxaa kulanka ku wehlinaayay Guddoomiye ku xigeenka 1aad AVV: Cabdicasiis Cabdullahi Cusmaan iyo ku xigeenka 2-aad , Ismaaciil Maxamed Warsame.
Fadhiga maanta waxaa goob-joog ah 41 Xildhibaan, Ajandaha ayaa ah soo gudbinta Warbixinta Xisaab-xirka 2019 ee Guddiga Dhaqaalaha & Xisaabaadka Golaha Wakiillada DPL ee gacanta ku hayey xisaab-xirkii sannad-maaliyadeedka 2019 oo Guddiga ku sameeyay akhriskii 2aad.
Ka dib Tallo-soo jeedinta Xildhibaanada Golaha Wakiillada DPL waxaa cod gacan-taag ah ku ansixiyay Xisaab-xirka 39 Xildhibaan, waxaa ka aamusay 2 Xildhibaan mana jirin cid diiday.
Dhanka kalena, waxaa maanta Xildhibaanadda Golaha Wakiillada Puntland loo qeybiyay Wax-ka bedelka xeerka Dawladaha Hoose ee Puntland (Law Number 7).
