Taliska ciidanka Booliska Soomaaliyeed ayaa war ka soo saaray Qarax saaka ka dhacay Muqdisho.
War saxaafadeed ka soo baxay xafiiska afhayeenka Booliska ayaa lagu sheegay in abaare 9:10 am ee saaka, gaari lagu soo raray walxaha Qarxa, uu soo jiiray barta hubinta gaadiidka ee u dhow iskoyska Dabbka ee Ciidanka Boliiska, Ciidanka oo rasaaseynaya ayuu soo gaaray barta hubinta gaadiidka ee u dhaw isgoyska Sayidka ee laga hubiyo gaadiidka galaya Madaxtooyada.
Qaraxa ayaa dhacay dadka oo ka feejignaa dhawaqa rasaasta iyo qeylo-dhaanta Ciidanka, kaas oo sababay qasaare dhaawac oo gaaray ilaa 7 qofood iyo burbur hantiyeed oo ah 8 gaadiid ah iyo 9 Mooto Bajaaj, walow aysan jirin wax qasaare dhimasho ah oo dadka ka soo gaaray goobta, marka laga reebo ruuxii waday gaariga qarxay.
