Faah faahino dheeraad ah ayaa kasoo baxaya qarax gaari oo ka dhacay Magalada Muqdisho kaas oo geystay khasaara isugu jira dhimasho iyo dhaawac ,waxaana uu yahay qarixii labaad ee Maanta ka dhcaa Magalada Muqdisho.
Qaraxa ayaa ahaa mid uu sababay gaari la dhigay Maqaaxi lagu Magacaabo Barwaaqo oo ku taalla agagaarka Saldhiga Booliska degmada Waaberi,waxana jira khasaaro kasoo gaaray dad wadada marayey iyo kuwa maqaayada ku sugnaa.
Gawaarida gurmadka deg dega ah Aamin Ambulance oo gaaray halka uu qaraxa ka dhacay ayaa waxa ay xaqiijiyeen inay qaadeen dhaawacyada ilaa 13 ruux.
taliya ku xigeenka Booliska Soomaaliya, Zakia Hussen ayaa dhankeeda sheegtay in ay xaqiijiyeen in qaraxa ay ku dhinteen afar(4) ruux halka shan (5) kala ay ku dhawacmeen waxayna shacabka ka codsatay in haddii aay arkaan wax amaanka lid ku ah ay booliska soo war galiyaan iyadoo u tacsiyeeysay eheladdii dadkii ku dhintay qaraxii galabta.
Wa qarixii labaad oo Maalin gudahood ka dhaco Magalada Muqdisho,waxana isla Maanta qarax gaari lagu xiray uu ka dhacay agagaarka Hotel lagu Magacaabo Mubaarak oo u dhow Isgoska Shaqaalaha, iyada oo qaraxaas aysan cid wax ku noqon.
