Xidiga garabka uga ciyaara kooxda Chelsea ee Eden Hazard ayaa uruursaday abaal marinaha xili ciyaareedka ee kooxda Chelsea kadib markii uu kaligii ku guulaystay 3abaalmarinood oo kala duwan.
Eden Hazard ayaa ku guulaystay abaalmarin ay codeeyaan taaageerayaasha Chelsea ee adduunka oo dhan halka uu sidoo kale ku guulaystay abaalmarinta ay codeeyaan xidigaha laftooda.
Hazard ayaa noqday xidigii ugu horeeyay ee Chelsea ah ee saddex abaalmarin isku darsada xili ciyaareed kaliya halka uu sidoo kale abaalmarinta xidiga ugu fiican kooxda ku guulaystay sanadkii 4-aad kadib markii uu horay ugu soo guulaystay 2014,2015 iyo 2017.
Xidiga reer Belguim ayaa sidoo kale abaalmarinta goolka ugu fiican ugu guulaystay goolkii cajiibka ahaa ee uu ka dhaliyay kooxda wolves ee katirsanaa horyaalka Premier league-ga.
Hazard ayaa laf dhabar u ahaa qaab ciyaareedka kooxda Chelsea ee xili ciyaareedkan isaga oo kooxda ka caawiyay in ay gasho kaalinta 3-aad ee kala saraynta.
