Guddoomiyaha Gobolka Banaadir Ahna Duqa Muqdisho Md. Cumar Maxamuud Maxamed (Filish) ayaa xarunta Aqalka Dowlada Hoose ee Xamar ku qaabilay Wasiirka Wasaarada Dhalinyarada iyo Isboortiga Md. Xamsa Saciid Xamsa.
Labada masuul ayaa ka wada hadlay xoojinta Wada shaqeynta Wasaarada iyo Maamulka Gobolka Banaadir, U diyaar-garowga Tartanka Isboortiga Gobolada Dalka iyo Sidii Garoomo cusub loogu dhisi lahaa Dhalinyarada ku dhaqan Gobolka Banaadir.
“Waxaan maanta xafiiskeyga ku qaabilay Wasiirka Wasaaradda dhalinyarada iyo isbortiga Waxana kawada hadlanay Wada shaqeynta Wasaaradda iyo Gobolka Banaadir. Sidoo kale Waxaan ka wada hadalnay U diyar garowga tartanka kubadda cagta gobolada dalka iyo Gobolka Banaadir” ayuu yiri Cumar Filish.
