Guddoomiyaha Golaha wakilada Puntland oo booqasho ku tegay Xerada tababarka ciidamada ee Xorgoble.

Guddoomiyaha Golaha Wakiillada Dowlad goboleedka Puntland Cabdirashiid Yuusuf Jibriil iyo xubno kamid ah weftiga uu hoggaaminayo ee safarka shaqo ku maraya Gobolka Bari, ayaa maanta booqasho ku tegay Xerada tababarka ciidamada ee Xorgoble, ee Magaalada Qardho.

Guddoomiye, Cabdirashiid Yuusuf Jibril ay wehelinayaan Xildhibaano ka tirsan Golaha Wakiillada puntland, Saraakiil ka tirsan Golaha Wakiillada puntland, Taliyaha qeybta iyo maamulka Qardho ayaa kormeeray xerada Ciidamada.

Waxaa uu Guddoomiyaha halkaas kula kulmay Sarakiisha Tababaraysa ciidamada iyo masuuliyiin kale isagoo ku booriyay inay sii laba jibaaran dadaalkooda si looga guuleyso dadka ka soo hor jeeda nadabada deeganada Puntland.