Dowlada Jabuuti oo wajigii labaad oo gargaar ah soo gaarsiisay gacanta Guddiga gurmadka Qaran.

Waxaa maanta garoonka diyaaradaha ee Aadan Cabdulle soo gaaray Diyaarad sida deeq gargaar ah oo isugu jirta daawo iyo agab kale oo ah wajigii labaad ee gurmadka dowladda Djabouti ay kaga qayb qaadanayso wax u qabashada dadka shacabka ah ee ku dhibaataysan deeganada ay ku fataheen wabiyada dalka.

Markii ay diyaaradda garoonka soo gaartay ayaa waxaa daawadii iyo qalabka kale ee ay sidday la wareegay guddiga gurmadka Qaran ee fatahaadda waxaa ayna dowlada Jabuuti kaga mahadceliyeen sida ay u garab istaagantahay dowlada iyo shacabka Soomaaliyeed.

Waa markii labaad oo ay dowlada Jabuuti soo gaarsiisay Guddiga fatahaadaha qaran gargaar waxaana maalinimadii shalay Magaalada Muqdisho soo gaaray wafdi  kasocday dowlada Jabuti  kuwaas oo siday lacag ay kaga qayb qaadanayaan gurmadka fatahadadaha.