Safaaradda Dowladda Jaban ay ku leedahay dalka Kenya ayaa sheegtay inay Dowladeedu hal Milyan oo Doollar ku bixinayso la dagaalanka xadgudubyada ay kooxda xag jirka shabaab ka geystaan Soomaaliya.
Safaaradu, waxay ku sheegtay bayaan ay arrinta ka soo saartay inay kaalmadan lacageed ay Dowladda Jaban u soo marin doonto Soomaaliya Sanduuqa Qaraamada Midoobay ee u qaabilsan la dagaalanka khatarta miinooyinka, taasoo ujeedada laga leeyahay ay tahay in Soomaaliya laga dhigo dal ay nabad gelyo buuxda ka jirto.
Baayaankaasi waxaa lagu sheegay in Dowladda Jaban ay shantii sanadood ee la soo dhaafay ay uga qeyb qaadatay sugidda amniga Soomaaliya lacag dhan 7.3 milyan oo Doollar, si looga hortago Waxyeelada Qaraxyada.
Bayaankaa ay soo saartay Safaaradda Jaban ee magaalaqda Nairobi waxaa kaloo lagu sheegay inay sii wadi doonto la daagaalanka kooxaha xaqajirka ah iyo in Soomaaliya ay noqoto dal nabadeed oo xagga bulshada ka hormarsan.
