Waxaa hadda soo dhamaaday doorashadii madaxweyne iyo madaxweyne Ku-xigeenka dowlad goboleedka Galmudug oo maanta ka dhacday Magaalada dhuusamareeb ee casimada Galmudug.
Doorashada madaxweyne Galmudug ayaa waxaa u tartamay musharaxiinta kala ah Axmed Cabdi Kaariye ( Qoor Qoor), Cabdiraxman Axmed Sabriy, Axmed Shire Maxamed (falagle) iyo Axmed Cabdullaahi Samater.
Sidoo kale waxaa madaxweyne Ku-xigeen u tartamay musharaxiinta kala Cali Daahir Ciid, Axmed Yuusuf Warsame (Taajir), Saadaq Cabdullaahi Xaashi , Maxamed Xaashi Cabdi (Carabeey) iyo Cabdi Qani Sheekh Cali Diini.
Ugu danbeyn guddiga doorashooyinka Galmugu ayaa sheegay in madaxweynaha Galmudug ee afarta sano ee soocota loo doortay Axmed Cabdi Kaariye ( Qoor Qoor) halka ku xigeenkiisa loo doortay Cali Daahir Ciid.
