DEG DEG: Halyeeygii Bayern Munich iyo Xulka Jarmalka Gerd Muller ayaa geeriyooday isagoo 75 jir ah.

Halyeeygii Bayern Munich iyo Xulka Jarmalka Gerd Muller ayaa geeriyooday isagoo 75 jir ah.

Weeraryahanka ayaa dhaliyay 68 gool 62 kulan oo uu u saftay Galbeedka Jarmalka, oo ay ku jirto goolkii guusha ee finalkii Koobkii Adduunka ee 1974-kii iyadoo West Germany 2-1 kaga badisay Netherlands ciyaar ka dhacday Munich.

Muller ayaa ku guuleystay kabta dahabka markii uu shabaqa soo taabtay 10 gool Koobkii Adduunka 1970 wuxuuna dhaliyay 365 gool 427 kulan oo Bundesliga ah, 66 gool 74 kulan oo Yurub ah 15kii sano ee uu joogay Bayern.
Waxa uu sidoo kale heystay rikoorka goolasha ugu badan ka dib markii uu dhaliyay 85 gool 1972 ilaa Lionel Messi uu ka sarre maray wadar ahaan 2012.

Wax yar ka hor dhalashadiisii ​​70aad ee 2015, Bayern ayaa ku dhawaaqday Muller in laga helay cudurka Alzheimers. Wuxuu ifka kaga tagay xaas Uschi iyo gabadhiisa Nicole.

Kooxdiisii ​​hore ee Bayern Munich ayaa warkan ku shaacisay barteeda rasmiga ah ee Twitter -ka, waxayna ku tiri: “Maanta dunida FC Bayern ayaa taagan.