DEG DEG: DOWLADA OO KU GACAN SEERTAY HESHIIS AY GAAREEN MADAXDA JUBBALAND IYO MUCARADKII KA ARAGTI DUWANAA.

Dowlada federaalka Soomaaliya ayaa ku gacan seertay heshiis la sheegay in ay maanta magaalada Nairobi ku gaareen madaxweynaha dowlad goboleedka Jubbaland iyo madaxda Isbadal doonka Jubbaland.

Wasiirka wasaaradda arrimaha gudaha xukuumada federaalka Soomaaliya ayaa sheegay in heshiiskaasi uusan waafaqsanayn shuruucda dalka u taal iyo nidaamka dawliga ah toona sidaasi darteedna ay dowlada ku taagan tahay mawqifkiidii ahaa in deeggaanada jubbaland laga dhiso maamul sharci.

“DFS waxay qaadacday wax lugu sheegay heshiis oo ka dhacay Nairobi kasoo aan waafaqsanayn shuruucda dalka u taal iyo nidaamka dawliga ah toona.Dawladdu waxay ku taagantahay mawqifkiidii ahaa in deeggaanada jubbaland laga dhiso maamul sharci ah in kasta oo duruufaha iyo xaaxadda uu dalku galay aanay soo da dajinayn arrintaas”ayuu yiri wasiir sabriye.