Cutubyo ka tirsan Ciidanka Gor Gor ayaa Tabar ku soo qaatay Dalka Turkiga ayaa maanta dib ugu soo laabtay Magalada Muqdisho.
Taliyaha Ciidamada Lugta xogga dalka oo ka qayb ahaa masuuliyiinta ciidanka Garoonka ku soo dhaweeyay ayaa sheegay in Ciidamada looga bahan yahay sidii ay dalka xasilintiisa kaga qayb noqon lahayeen.
“Gorgor ha noolaadaan Dowladda Turkiga maanta waxaan u awoodnaa in aan ka jeclaano wadnaheena iyo qalbigeena waana u abaal gudi doonnaa” ayuu yiri Taliyaha Ciidamada Lugta xogga dalka.
Dhankisa wasiirka Gashandhiga Xukuumada federaalka Soomaaliya Xasan Xuseen Xaaji ayaa sheegay in ay aad ugu faraxsanyihiin ciidanka Gor Gor ee maanta dalka dib dalka ugu soo noqday.
Wasiirka Wasaaradda Gaashaandhigga ayaa Xusay in DFS ay ku howlantahay dib-u-dhiska Ciidanka Xoogga Dalka Soomaaliya ,isla markaana Dowladda Turkiga uu ugu mahadcelinayo Taageeradda ay la garab taagan yihiin Shacabka Soomaaliyeed .
