Sido lagu qoray wakaalada wararka Soomaaliyeed ee SONNA, Ciidamada Xoogga Dalka Soomaaliyeed ayaa sameeyay howlgal Miino baaris ah oo ay ka sameeyeen inta u dhaxayso degaannada Koban iyo Bangeen oo ka wada tirsan Gobolka Jubbada hoose.
Saraakiil ka tirsan Ciidanka Xoogga Dalka ayaa sheegtay in ay howl-galkaasi ku dileen Afar xubnood oo ka tirsanaa Al-Shabaab, halka tiro intaasi ka badanna lagu dhaawacay.
Sidoo kale Ciidanka xoogga Dalka Soomaaliya iyo Ciidanka Daraawiishta dowlad goboleedka Jubbaland ayaa howl-gallo ka sameeyay degaanka Baar Sanguuni iyo deeganada u dhaw, waxaana la sheegay in ay halkaas ku dileen xubno kamid ahaa Al-Shabaab.
