Wararka
CAQABADO KA JIRAY GAROOMADA DIYAARADAHA PUNTLAND OO DHAWAAN LOO SOO GUDBIYEY GOLAHA WAKIILLADDA AYAA MAANTA XAL LAGA GAARAY.
Guddiga Dhaqaalaha iyo Xisaabaadka Golaha Wakiilladda iyo Guddiga Hawlaha Guud, Ganacsiga & Kaabayaasha Dhaqaalaha ayaa maanta kulan wada-jir ah la qaatay Wasaaradda Duulista Hawada & Garoomada iyo Guddiga Shirkadaha diyaaradaha Puntland.
Kulankaan ayaa ujeedadiisa aheyd xalinta cabsho ay horey Golaha u soo gaarsiiyeen Guddiga Shirkadaha diyaaradaha Puntland, taasi oo la xiriirtay lacago dheeraad ah oo lagu qaado Garoomadda Puntland.
Dood iyo falanqayn dheer ka dib, Guddiyada Golaha ee kor ku xusan, Wasaaradda Duulista Hawada & Garoomada iyo Guddiga Shirkadaha diyaaradaha waxay isla qaateen xalka cabashada ay Guddiga Shirkadaha Diyaaraduhu u soo gudbiyeen Golaha Wakiillada Puntland.
