Ciidanka Booliska Soomaaliyeed ayaa maanta Magaalada Muqdisho kusoo bandhigay Qamri si sharci daro ah lagu soo galiyay caasimada iyadoo sheegay in la’isku dayay in lagu dhex qariyo qalabka lagu badala gawaarida ee Spar-parts.
Taliyaha laanta canshuuraha Booliska Soomaaliyeed Genaral Cabdullahi Xassan Barriise oo ka warbixiyay maandooriyaha qamriga ayaa sheegay in Qamrigaani uu saarnaa Konteen dhar ay saarnaayeen 664 oo kaartoon oo 164 kamid ah ay ahaayeen qalabka Isbeer baartiska halka qaybta danbana ay ku qarsanaayeen 500 oo kartoon oo Qamri ah.
Wasiirk ku xigeenka wasaaradda maaliyadda xukuumada federaalka Soomaaliya Cabduulahi sheeq Cali Qoloocowoo dhankiisa ka hadlay maandooriyahaan gacanta lagu dhigay ayaa boogaadiyay ciidanka booliska ee soo qabtay waxaa uuna sheegay in uu halis badan ku haayo maandooriyah shacabka Soommaaliyeed.
Wasiir ku xigeenka ayaa sidoo kale sheegay in ay nasiib xumi tahay in iyadoo loo diyaar garoobaayo bisha barakaysan ee Ramadhaan ay dad ku dhiiradaan in ay qamri soo galiyaan dalka.
