Kooxda Man City ayaa lagu waramayaa in loo soo bandhigay daafaca bidix ee Bayern munich, David Alaba. kooxda Jarmalka ayaa diyaar u ah inay fasaxdo xidiga reer Austria xagaagan haddii ay u isticmaali karaan heshiis isku badalasho ah wargayska MUNDO DEPORTIVO ayaa sheegaya in Alaba loo soo bandhigay Man City si uu qeyb uga noqdo heshiiska ay BAYERN MUNICH ku dooneyso inay Leroy Sane ku qaadato.
Laakiin kooxda heysata horyaalka premier league ayaan dooneynin inay iibiso Leroy Sane waxaana ay diideen dalabkaas inkastoo Benjamin Mendy uu garoomada ka maqnaanayo bisha ugu horeysa xili ciyaareedka cusub. Bayern munich ayaa sidoo kale lagu waramayaa inay Alaba u bandhigtay Barcelona si ay badalkiisa u helaan Ousmane Dembele laakiin dalabkaas isna waa la soo diiday.
Kooxda heysata horyaalka Bundesliga ayaa raadineysa badalka Arjen Robben iyo Franck Ribery kuwaasoo kooxda ka tagay xagaagan. Sane ayaa muddo dheer diirada u saarnaa Bayern Munich mana aysan qarsanin xiisahooda xidiga reer Jarmal Sane ayaan wali qandaraas cusub u saxiixin kooxda Etihad Stadium ka dhisan laakiin tababaraha city Pep Guardiola ayaa sheegay isbuucii hore “muddo dheer ayay ka hadlayeen xiisaha Leroy Sane wanaa sheegay ina xidiga uusan iibnaga aheen” ayuu siiraaciyay hadalkiisa macalin Pep Guardiola.
