Madaxweyne ku-xigeenka Dowlad goboleedka Puntland Axmed Cilmi Cismaan Karaash ayaa maanta si rasmi ah u daah-furay Shirweynaha 5-aad ee dib-u-eegista Waxbarashada Puntland.
Shir weynahaan ayaa ah mid sanadkiiba mar la qabto oo looga hadlayo sidii kor loogu qaadi lahaa tayada waxbarashada dugsiyada dowlad goboleedka Puntland waxaana sanadkaani hal ku dhig u ah “Baahinta Waxbarasho Tayeysan oo loo Dhanyahay”.
Masuuliyiinta dowlad goboleedka Puntland ayaa waxaa kulankaani kala qayb galay masuuliyiinta Waxbarashada dowlad goboleedyada Koonfur Galbeed, Jubbaland, Hirshabeelle iyo Galmudug.
