Ammaanka Magaalada Dhuusa-mareeb oo aad loo adkeeyay iyo Boolis kasocda dowlada oo laga dajiyay Galmudug.

Waxaa Maanta Magaalada Dhuusa-mareeb ee caasimada dowlad Goboleedka Galmudug laga dajiyay ciidama ka tirsan Booliska dowladda Federaalka  Soomaaliya.

Sida la sheegay ciidamadaan katirsan Booliska Dowlada federaalka Soomaaliya ayaa Magaalada Dhuusa-mareeb u tagay sidii ay ugu qayb qaadan lahayeen adkeynta ammaanka magaaladaasi  oo martigelinaysa shirka dib uheshiisiinta Galmudug.

Goobaha ay sida gaarka ah ciidamadaan ay ammaankooda u sugi doonta waxaa kamid ah; xarunta lagu qabanayo shirka iyo garoonka diyaaradaha  Magaalada Dhuusa-mareeb waxaana aad loo adkeeyay ammaanka Magaalada.