Waxaa maanta Magaalada Mugdisho ee caasimada dalka soo gaaray wafdi uu hogaamiyaa Guddoomiyaha Baarlamaanka Jabuuti Maxamed Cali Xumad waxaana garoonka diyaaraaha Aadan Cadde si diiran ugu soo dhaweeyay Guddoomiyaha Golaha Shacabka ee Soomaaliya Maxamed Mursal Sheekh C/raxmaan.
Guddoomiyaha Golaha shacabka Maxamed Mursal Sheekh C/raxmaan iyo dhiggiisa Jabuuti Maxamed Cali Xumad ayaa goor dhow la filayaa inay gaaraan magaalada Baydhabo ee xarunta KMG ah ee maamulka Koonfur Galbeed, halkaas oo ay si wadajir ah uga qayb galayaan furitaanka kulanka Baarlamaanka Koofur Galbeed.
Booqashada Wafdiga uu hoggaaminayo Guddoomiyaha Baarlamaanka Jabuuti ayaa qaadan doonta dhowr maalmood, isagoo ka qayb geli doona Kalfadhiyada Baarlamaanada Federaalka Soomaaliya iyo kan Koonfur Galbeed oo todobaadkan furmaya,Guddoomiye Mursal ayaa waxaa safarkiisa Baydhabo ku wehliya Xildhibaanno ka tirsan labada gole ee Baarlamaanka Federaalka iyo Wasiiro.
