faah faahino dheeraad ah ayaa ka soo baxaya Dagaal Al-shabaab iyo kooxda Macawiisley ku dhex maray xadka ay wadaagaan Gobolada Hiiraan iyo Bakool.
Dagaalka ayaa yimid kadib markii kooxda Macawiisleyda ay werar xoogan ku qaadeen fariisan ay Al-shabaab lahaayeen, halkaasina uu ka dhacay dagaal khasaaro dhimasho iyo dhaawac geystay.
kooxda Macawiisley ayaa waxaa ay guulo ka sheegteen dagaalka iyagoo sheegay in ay la wareegeen deegaankii ay Al-shabaab kula dagaalameen isla markaana ay dileen Dagaalyahaano ka Tirsan Al-shabaab.
Maxamed Shactir oo ka mid ah Hogaamiyeyaasha Macawiisleyda Gobolka Hiiraan Oo wareysi Siiyey TUSMO TV ayaa sheegay in dagaalkii ay la galeen Al-shabaab ay uga dhaawacmeen labo qof halka ay Al-shabaab ka dileen dhoor iyo Tuban.
Dhanka Al-shabaab ilaa haatan ma jirto wax war ah oo ka soo baxay oo la xiriira dagaalka ka dhacay Gobolka Hiiraan.
