Xidiga khadka dhexe ee Man United Pogba ayaa la kulamay weerar cunsurinimo halka dilna loogu goodiyay waxaana arintaas loo mariyay baraha bulshada ka dib markii uu qasaariyay rigooradii kulankii Wolverhampton Wanders.
Man United ayaa xalay bar-bar dhac min hal gool ah la gashay kooxda Wolverhampton Wanderers oo ay marti ugu ahaayeen kulan ka tirsan wareegga labaad ee horyaalka Ingiriiska waxa uuna Pogba qasaariyay rigooro loo dhigay daqiiqadii 68-aad taas oo ay ku badin kareen.
Taageerayaasha kooxda Man United ayaa aad uga fal celiyay rigooradaas uu qasaariyay Pogba waxa ayna muujiyeen in ay aad uga xumaadeen,intaas kuma joogsan waxa ayna taageerayaasha aflagaado cunsurinimo ah u geysteen laacibka halka qaarkoodna ugu goodiyeen dil.
Mid ka mid ah taageerayaasha ayaa oo careysan ayaa soo qoray “ waa qasab in la ku dilo Pogba” xidigaan ayaa mustaqbalkiisa kooxda shaki ku jiray kadib markii uu diiday ina uu qandaraaska u dheereeyo kooxda waxaana xiiso u qabo kooxda Real Madrid.
