Madaxweynaha dowlada Federaalka Soomaaliya Maxamed Cabdullaahi Farmaajo ayaa manta Magaalada Mugdisho ee caasimada dalka salaadda Ciidda Carafo kula tukaday kumanaan shacab ah Masjidka Shuhadada Madaxtooyada Qaranka.
Madaxweyne Farmaajo ayaa dhammaan shacabka Soomaaliyeed iyo ummadda Muslimiinta ugu hambalyeeyay munaasabadda Ciidda Carafo, isaga oo xujayda sannadkan gudanaya waajibaadka xajka Eebbe uga baryey inuu ka aqbalo acmaashooda suubban.
Madaxweyne Mohamed C/llahi Farmaajo ayaa sidoo kale shacabka Soomaaliyeed ugu baaqay inay iscaawiyaan oo ay isku-gargaaraan si farxadda ciiddu ay u wada gaarto dhammaan bulshada.
Ugu danbeyn Madaxweyne Farmaajo ayaa ummadda Soomaaliyeed u rajeeyay inay sannadkan sannadkiisa ku gaaraan horumar, barwaaqo iyo isku duubni, isagoona ku boorriyay inay dowrkooda ka qaataan dib u dhiska dalka.
