Siihayaha guddoomiyaha gobolka Banaadir oo booqasha ugu tagay hooyadii Allah u naxariistee Marxuum Eng. Yariisoow.

Siihayaha guddoomiyaha gobolka Banaadir ahna guddoomiye ku-xigeenka maamulka iyo maaliyadda gobolka Banaadir Ibraahim Cumar Mahad-Alla (Ibraahim Dheere) ayaa maanta booqday gurigii uu kunoola Allaha unaxariisto guddoomiyihii gobolka Banaadir ahaana duqii magaalada Muqdisho Cabdiraxmaan Cumar Cusmaan (Eng:Yariisoow).

Siihayaha guddoomiyaha gobolka Banaadir ayaa la kulmay hooya Nuuriya Xasan Isxaaq oo ah hooyada dhashay Allaha unaxariisto Eng Yariisoow iyo dhamaan xubnaha qoyska waxaa uuna ugu tacsiyayeeyay geeridii ku timid Allah u naxariistee guddoomiyihii gobolka Banaadir.

Ibraahim Dheere ayaa sidoo kale shacabka magaalada Mugdisho ku nool ka codsaday in ay u dulqaatan waddooyinka xirin inta laga aassaayo Guddoomihihii hore ee Gobalka Banadir Eng. Cabdirahmaan Cumar Cusmaan Eng. Yariisow.

Siihayaha guddoomiyaha gobolka Banaadir ayaa sidoo kale sheegay in barito abaaro laba saac oo subax nima (8:00A.m) ay rajayniyaan in la keeno Meydka Marxuum C/rahmaan Cumar cusmaan Eng. Yariisow sidaasi darted shacabka Caasimada looga baahan yahay in ay ka qayb qaataan Aaska Marxuumka.