Madaxweyne  lafta gareen oo Magaalada Muqdisho ugu qayb galaayo Aaska qaran ee loo samaynaayo Eebba ha u Naxariistee Eng. Yariisow.

Madaxweynaha Dowlad goboleedka Koonfur Galbeed Soomaaliya Cabdicasiis Xasan Maxamed ( Lafta gareen ) ayaa Soo gaaray Magaalada Muqdisho ee Caasimada Dalka Si uu ugu qayb galo Aas-qaran oo lagu wado in Mugdisho loogu sameeyo Guddoomiyihii hore ee gobolka Banadir ahaana duqa caasimada Muqdisho illaah ha unaxaristee Marxuum Eng Cabdiraxman Cumar Cismaan Yariisow.

Madaxweynaha Dowlad Goboleedka Koonfur galbeed ayaa Tacsiyo ugu Tagay Ugaas Maxamuud Cali Ugaas Cabdulle Ehelkii iyo Qaraabadii Marxuumka ee Degan Magaalada Muqdisho waxana Hoygiisa ugu Tacsiyadeeyey Ugaaska Beesha uu kasoo jeedey Marxum Eng yariisow wuxuuna ilaah uga bariyey in Janadiisa Fardowsa ka Waraabiyo Marxuumka isagoona Qaraanka Qeybtiisa ku Darsaday.

Ugaas Maxamuud Cali Ugaas Cabdulle ayaa ugu mahad celiyey Madaxweynaha Dowlad Goboleedka Koonfur Galbeed Cabdicasiis Xasan Maxamed ( Lafta-gareen ) kasoo qeyb galka Aaska Qaran Ex-Gudoomiye Cabdiraxman Cumar Cismaan Yariisoow.