madaxa Xafiiska Afrika ee hay’adda gargaarka Bini’aadantinimo ee Boqor Salmaan oo soo gaaray Muqdisho.

Waxaa maanta Magaalada Muqdisho ee Caasimada dalka soo gaaray wafdi Balaaran oo uu hoggaaminaayo kaaliyaha madaxa Xafiiska Afrika ee hay’adda gargaarka Bini’aadantinimo ee Boqor Salmaan, Yuusuf Al Bakheet.

Wafdigaani ayaa waxaa Madaxtooyada kusoo dhaweeyay Marwada Koowaad ee Qaranka Marwo,  Saynab Cabdi Macallin oo ay weheliyaan Agaasimaha Guud ee Madaxtooyada Qaranka Dr. Nuur Diiriye Xirsi (Fuursade) iyo Saraakiil kale oo ka tirsan hay’adda Saynab Moallim Foundation.

Marwo Saynab Cabdi Macallin ayaa Yuusuf Albakheet ka dhegaysatey warbixin ku saabsan qorsheyaasha Hay’adda ee la xiriira horumarka, gargaarka bini’aadantinimo, caafimaadka haweenka iyo dhallaanka ee ay ka fuliyaan dalka.

Marwada ayaa sidoo kale wafdiga la wadaagtay mashaariicda caafimaadka Hooyada iyo dhallaanka ee ay hay’adda Saynab Moallim Foundation ka waddo Dalka iyo sidii ay isaga kaashan lahaayeen ka Mira dhalintooda, si loo sugo bedqabka dhallaanka iyo hooyooyinka Soomaaliyeed.