Munaasabad lagu dhagax dhigayey Masjid loo waqfay marxuum Maxamed Qanyare Afrax oo dhowaan ku geryooday magalada Muqdisho ee caasimada dalka Soomaliya ayaa waxa lagu qabtay duleedka degmada Dayniile ee gobolka Banaadir.
dhagax dhiga Masjidka cusub ayaa waxa ka qeyb galay xilibaano ka tirsan golaha shacabka ee Baarlamaanka Fadaralka Soomaliya, masuuliyiin ka tirsan mamulka Gobolka Banaadir ,odayaal dhaqameed ,siyaasiyiin horay dalka xilal uga soo qabtay ,saraakiil ciidan iyo waliba qeybaha kala duban ee bulshada ku dhaqan magalada Muqdisho.
Goobta laga hirgalanayo Masjidkan ayaa ah meel aan aad uga fogayn halka uu ku aasan yahay marxuum Maxamed Qanyare Afrax.
Qaar ka mid ah masuuliyiintii ka qeyb gashay dhagax dhiga Masjidkan loo waqfayo marxuum Maxamed Qanyare Afrax ayaa ka hadlay muhiimada uu leyahay dhismaha masjidkan cusub iyagoona dhanka kale u mahadceliyey dareenka ay u muujiyeen shacabka Soomaliyeed geeridii ku timid marxuum Maxamed Qanyare Afrax.
