Emery ayaa maamulka kooxdiisa u sheegay in ay baanka u jabiyaan xidiga ka ciyaara horyaalka premier league oo uu u arko mid si weyn u caawin doono kooxdiisa xili ciyaareedka dambe. tababare unai emery ayaa maamulka Arsenal u sheegay in ay baanka ujabiyaan saxiixa xidiga garabka uga ciyaara kooxda Crystal Palace ee wilfried Zaha inta lagu jiro suuqa kala iibsiga xagaagan.
Gunners ayaa ku fashilantay in ay u soo baxdo Champions league xili ciyaareedka dambe taas oo la macno ah in uu Emery haysto kaliya 45milyan oo Euro ah suuqa kala iibsiga loo siiyay inuu suuqa ku galo. madaxda kooxda ayaa soo dajiyay in ay kooxdu suuqa galiso lacag xadidan laakiin wargayska the sun ayaa sheegaya in uu Emery waydiisan doono lacag badan si uu u helo bartilmaameedkiisa 1-aad ee Saha.
Tababaraha Arsenal ayaa xidiga Palace u arka bartilmaameedkiisa ugu weyn iyo waliba midka uu ku dhisi doono kooxda laakiin waxa lagu heli karaa ugu yaraan lacag dhan 55milyan oo Euro ah saha oo taageero u ah kooxda Arsenal.
