Ciidamada difaaca cirka Boqortooyada Sacuudiga ayaa sheegay in ay soo rideen shan diyaaradaha drones-ka oo ay leeyihiin kooxda Xutiyiinta ee ka dagaalama waqooyiga dalka Yemen.
Sargaal u hadlay xulafada Sacuudiga uu hoggaamiya ee howl-galka kawada dalka Yemen ayaa xaqiijiyay in ay soo rideen shan diyaaradaha aan cidna wadin ee loo yaqaano drones-ka kuwaas oo weerar ka fulinaayay Koonfurta gobolka Asir ee xaduudka Boqortooyada.
Korneel Turki Al-Maliki oo wareeysi siinaayay wakaalada wararka sacuudiga (SPA) ayaa sidoo kale sheegay in diyaaradahaan ay bartilmaameedsanaayeen garoonka caalamiga ah ee Abha iyo magaalada Khamis Mushayt habeenimadii Khamiista.
Howl-galkaan lagu soo riday diyaarada aan cidna wadin ee drones ka ayaa imaanaayo asbuuc ka dib markii ay kooxdaan Xutiyeenta weerar gantaalo ku qaadeen garonka Caalamiga ah ee Abha, weerarkaas ayaana dhaawac gaarsiiyay 26-rux balse majirin khasaaro intaas kabadan oo la xusay.
