Liverpool iyo Tottenham ayaa wada ciyaariya finalka Champion-ka kaasi oo ka dhacaya caasimada Spain ee Madrid.
Waa finalkii is xigay ee Liverpool ee imanayso iyadoo sanadkii hore oo ay timid finalka oo ay laciyaartay naadiga Real Madrid halka afar dhamaadka sanadkaan ay iska reebtay Barcelona halka kooxda Tottenham ay reebtay Ajax.
Liverpool ayaa ciyaareysa finalkoodii 9-aad European cup/ Champions league mana jirto koox kale oo Ingiriis ah oo sidaas sameysay, waxa ay koobkaan ku guuleysteen 5jeer balse waxa ay guul dareysteen labadii final ee ugu dambeeyay ee 2007-dii iyo 2018-kii, haddii ay Liverpool Guul dareysato caawo waxaa ay raaceysaa wadadii kooxda Valencia taas oo laba jeer oo isku xigta guul dareysta finalka champion-ka kooxdaas oo timid finalka sanadihii 2000 iyo 2001-dii.
Spurs ayaa ciyaareysa finalkoodii ugu horeeyay ee European cup/champions league.
Liverpool waa ay guul dareysteen 4-tii final ee hore tan iyo midkii 2012-kii ee league cup halka Spurs ay guul dareysteen labadii final ee la soo dhaafay tan iyo sanadkii 2008-dii ee league cup.
Goolasha ugu badan xili ciyaareedkaan ee champions league waxaa laga dhaliyay spurs waana 17gool.
Tababare klopp ayay u tahay finalkii sedexaad ee tartamada yurub tan iyo markii uu qabtay Liverpool kaliya waxaa ka sareeya bob paisley kaasi oo haysta afar jeer.
