Madaxweynaha dowlada Soomaaliya oo magacaabay Danjiraha Soomaaliya ee Boqortooyada Sucuudiga.

Madaxweynaha dowlada Federaalka Soomaaliya Maxamed Cabdullaahi Farmaajo ayaa wareegto ugu magacaabay Cabdixakiim Xasan Ashkar in uu noqdo Danjiraha Soomaaliya u qaabilsan dalka Boqortooyada Sucuudiga.

“Madaxweynaha ayaa markii uu tixgeliyay aqoonta iyo waayo-aragnimada uu Danjire Cabdixakiim u leeyahay gudashada waajibaadka Danjiranimo waxa uu soo saaray xeerkan.”

Madaxweynaha ayaa u rajeeyay Danjiraha Cusub inuu Eebe u fududeeyo masuuliyadda culus, isaga oo kula dardaarmay inuu si hufan ugu shaqeeyo magaca iyo mataaladda Jamhuuriyadda Federaalka Soomaaliya.

Sidoo kale dowlada Soomaaliya ayaa u yeertay danjireyaasha u jooga dowladaha Suudaan iyo Masar iyadoo amar ku siisay in ay dalka ku yimaadaan muddo asbuuc ah.