Taageerayaasha kooxda Man United ayaa magacaabay saddex xidig oo ay doonayaan in ay kooxdoodu iibiso marka la gaadho suuqa kala iibsiga xagaaga kadib qaab ciyaareedkoodii liitay ee kulankii Cardiff city.
Red Devils ayaa iska khasaarisay fursad ay ugu soo bixi lahaayeen champions league xili ciyaareedka dambe kadib markii ay bar-baro la galeen kooxda Huddersfield kulankii ka horeeyay kulankii ugu dambeeyay ee horyaalka.
Kulankii ugu dambeeyay ee horyaalka ayaa ahaa mid aan faa,iido lahayn laakiin taageerayaasha ayaa filayay in ay xidigaha kooxda si fiican ku dhamaystaan xili ciyaareedka gaar ahaan in ay la ciyaarayeen kooxda Cardiff city oo haatanba dhaadhacday.
Laakiin kooxda Ole Gunnar Solskjaer ayaa si lama filaan ah guuldaro 3-0 ah kala kulantay kooxda ka hartay horyaalka waliba kulan ka dhacay garoonka Old Trafford.
Kadib guuldaradaas taageerayaasha kooxda Man United ayaa dalbaday in ayna kooxdooda ku sii arkin xidigaha Chris Smalling, Phil Jones iyo Ashley Young lagana iibiyo xagaaga dambe kooxda.
