Kooxda Real Madrid ayaa qorsheyneysa in ay dalab ka geeyaan weeraryahanka Arsenal ee Aubameyang si xagaaga u helaan saxiixiisa.
Real Madrid ayaa xili ciyaareedkaan ku dhameystay bilaa koob waxa uuna macalin Zidane oo dib ugu soo laabtay kooxdaas uu doonayaa in uu boorka ka jafo shaxda kooxda Real Madrid.
Shabakadda DON BALON ayaa sheegeysa in madaxweynaha Real Madrid ee Perez uu doonayo in uu ka weecdo baacsiga Weeraryahanka kooxda Eintracht Frankfurt ee Luka Jovic isla markaana wiilkaan reer Gabon uu yahay badalka ugu habon.
Eintracht Frankfurt ayaa diidan in qiimo ka yar 80milyan oo Euro ku iibiyaan Luka Jovic halka Real Madrid ay doonayaan qiimo intaas ka hooseya.
DON BALON waxa ay sheegeysa in qiimaha Aubameyang uusan ka yaraan doonin aduun dhan 75 milyan oo Euro Sidaas oo ay tahay Aubameyang ayaa lagu tiriyaa xidigaha asaasiga ka ah kooxda Arsenal waxa uuna dhaliyay xili ciyaareedkaan 29gool dhamaan tartamada ay ku jiraan halka uu sameeyay 8kale oo caawin ah.
