Kooxaha Liverpool iyo Roma ayaa isku jiibiyay kuna digtay kooxda Barcelona kadib markii ay Liverpool Barcelona ka reebtay tartanka champions league kulan ka dhacay Anfield kana tirsanaa lugta 2-aad ee semi-finalka tartanka champions league.
Liverpool ayaa guul soo laabasho leh ka gaadhay kooxda Barcelona iyaga oo uga badiyay 4:0 kadib markii ay lugtii hore ee kulankii ka dhacay Camp Nou kaas oo ay naadiga Barcelona gaadhay guul 3-0 aheed.
Kooxda Liverpool ayaa bogeeda twitter-ka ee carabiga soo dhigtay ” yaa doonaya in uu dib u daawado guushii soo laabashada inta lagu jiro saxuurta”?
Kooxda Roma oo wacdaro ku dhigtay xili ciyaareedkii hore lugtii 2-aad ee 8 dhamaadka champions league ayaa ugu jawaabtay “ waan garanaynaa dareenka Reds, habeen wanaagsan”
Roma ayaa xili ciyaareedkii hore samaysay soo laabasho taariikhi ah kadib markii ay guuldaro 4:1 ah kala kulmeen Barcelona kulan ka tirsanaa lugta1-aad ka hor inta ayna gaarin guul soolaabasha leh oo 3:0 lugtii 2-aad ku garaacday.
