Liverpool ayaa taariikh layaableh ku samaysay Anfield kadib markii ay 4:0 ku xasuuqday kooxdii 3:0 ay ku soo garaacday ee Barcelona waxayna Liverpool si aan la rumaysan Karin ugu soo baxday finalka UEFA champions league.
Origin iyo Gini Wijnaldum ayaa min laba gool dhaliyay waxayna dhinaca kale u dhigeen natiijadii 3-0 ka ahayd ee ay Barcelona ku xisaabtamaysay ee kulankii lugtii hore waxayna hadda kooxda Jurgen klopp samaysay mid ka mid ah mucjisooyinkii champions league ugu layaabka badnaa.
Barcelona ayaan waxba ka baran ceebtii xili ciyaareedkii hore ka soo gaadhay AsRoma waxayna markale champions league kaga hartay si murugo badan oo ayna abid ilaawi doonin laakiin kooxda Reds ayaa muujisay qaab ciyaareedkii xili ciyaareedkeeda ugu fiicnaa.
Kooxda Liverpool ayaa noqotay kooxdii sadaxaad ee sadax gool lugtii 1-aad ka soo laabato tartanka UEFA champions league.
