Tababaraha kooxda Man City ee Pep Guardiola ayaa amaanay qaab ciyaareedka xidigaha kooxdiisa ee labadii qaybood ee kulankii ay guusha ka gaadhaan kooxda Leicester city kana tirsanayd horyaalka premier league.
Citizen ayaa guul 1:0 ah ka gaadhay kooxda Leicester city iyaga oo ku soo laabtay hogaanka horyaalka premier league iyaga oo leh 95 dhibcood kuna sii dhawaanaya ku guulaysiga horyaalka premier league markii 2-aad oo xiriir ah.
Saaxiibada David Silva ayaa haatan guul kaliya ka xigtaa in ay difaadaan horyaalka premier league xili ay todobaadka dambe la ciyaari doonaan kooxda Brighton kulan ka tirsan horyaalka premier league.
“Waxa uu ahaa gool aan caadi ahayn, waxa aan soo bandhignay qaab ciyaareed fiican labada qaybood” ayuu Guardiola yidhi isaga oo ka hadlaya goolkii kompanay.
Guardiola oo lahadlaayey dadka iyo saxaafada u saadaalinaaya ku guuleysiga horyaalka kooxda Liverpool ayaa yiri.
“Marka loo eego saxaafada ama dad badan oo kale waxa ay doonayaan in ay Liverpool ku guulaysato horyaalka laakiin anaga ayaa ku guulaysanayna waan ka xumahay dadkaas sababta oo ah gacanteena ayuu ku jiraa horyaalku”
