Waxaa todobaadyadii ugu dambeeyay si weyn loo hadal hayay mustaqbalka tababaraha kooxda Man City ee Pep Guardiola kaas oo lala xiriirinayay kooxda Juvantus.
Tababaraha reer Spain ayaa ah riyada milkiilaha kooxda Juvantus si uu u noqdo tababaraha cusub ee kooxda.
Bilihii ugu dambeeyay waxa jiray warar sheegayay inoo xariir fiican dhex maray labada dhinac iyada oo uuna Pep Guardiola albaabka ka xidhin in uu tababare u noqdo kooxda Juvantus.
Wargayska CALICO MERCATO ayaa sheegaya in ay jirto hal shardi oo tababare Pep Guardiola ku qasbi kara in uu tababare u noqdo kooxda Juvantus xili ciyaareedka dambe.
Shardigaas ayaa ah in ay maamulka Man City diidaan dalabka tababaraha ee ah in uu helo lacag badan oo uu suuqa ku galo marka la gaadho suuqa kala iibsiga xagaaga.
