Kooxda Real Madrid ayaa lagu soo waramayaa in ay dhamaystireen saxiixa xidiga weerarka uga ciyaara kooxda Eintracht Frankfurt ee luka Jovic sida ay sheegayaan wararka ka imanaya dalka Spain.
Warkan ayaa dharbaaxo ku noqonaya kooxaha reer Yurub ee ay ugu horeeyaan Chelsea iyo Barcelona kuwaas oo doonayay adeega xidiga da,yarka ah ee wacdaraha dhigaya xili ciyaareedkan.
Wargayska AS ayaa sheegaya in ay kooxda Real Madrid saxiixa Luka Jovic kooxaha Frankfurt iyaga oo bixin doona 51 milyan oo Euro ah.
Kooxda Frankfurt ayaa heli doonta lacag dhan 41milyan oo Euro ah halka 10milyan oo Euro ku dhici doonto baanka kooxda Benfica maadama ay ku xidhay heshiiska xidiga in ay hesho 20% lacagta lagu iibiyo xidiga.
21jirkan ayaa saxiixi doona heshiis 6sano ah oo uu ku joogi doono kooxda ku ciyaarta garoonka Bernabeu.
