Ra’iisul Wasaaraha xukuumadda federaalka Soomaaliya (XFS) Xasan Cali Khayre oo maanta ka qayb galay munaasabadda xuska maalinta Shaqaalaha adduunka ee 1da May ayaa hambalyo u diray dhammaan shaqaallaha Soomaaliyeed.
Munaaasabad loogu dabaal daggaayay xuska maalinta Shaqaalaha adduunka ee 1da May oo lagu qabtay caasimada dalka ee Muqdisho ayaa waxaa khudbad ka jeediyay Ra’iisul Wasaare Xasan Cali Khayre waxaa uuna sheegay in dawladdu ay muhiimad gaar ah siiso xuquuqda shaqaallaha dawladda iyo dowrka shaqaaluhu ay ku leeyihiin horumarinta dalka.
Ra’iisul Wasaare Khayre ayaa xosay in ay muhiim tahay in laga farako qorshayaal ballaaran oo ay kamid tahay in la sameeyo shaqo abuur ballaaran si loola dagaalo shaqa la’aanta baahsan, waxaa uuna shaqaalaha dawladda kula dardaarmay in ay qaybta uga aadan ka qaataan horumarinta iyo dadaallada dib u soo kabashada dalka.
