Madaxweynaha Dowladda Puntland Siciid Cabdulaahi Deni ayaa Maanta ka dhoofay garoonka diyaaradaha Gen: Maxamed Abshir ee Garoowe.
Madax katirsan Dowladda Puntland oo uu kamid yahay madaxwayne ku xigeenka Dowladda Puntland ayaa garoonka ku sii sagootiyay Madaxweynaha.
Siciid Cabdullaahi Deni ayaa safarkiisi u horreeyay tan iyo markii la doortay ugu baxay waddanka Imaaraadka Carabta halkaasi oo uu kula kulmi doono mas’uuliyiinta dalkaasi iyo madax ka tirsan shirkadda DP world ee maamusha dekedda magaalada Boosaaso.
Safarka Madaxweyne deni ee Imaaraadka carabta waxa uu kusoo aadayaa xili maalmo ka hor uu magaalada Boosaaso ka sheegay in xukuumadda uu hogaamiyo ay ixtiraami doonto heshiiskii ay shirkadda laga leeyahay Imaaraadka Carabta ee DP World kula wareegtay Dekedda Boosaaso.
