War-Saxaafadeed ay siwadjir ah u soo saareen Xisbiyada siyaasadda sida UPD, Wadajir, Himilo Qaran iyo Ilays ayay ugu hadleen xaalada amniga ee dalka, gaar ahaan magaalada Muqdisho oo maalmihii la soo dhaafay sii xumaaneysay xaaladeeda amniga.
War saxaafadeed kaan ayaa walaac looga muujiyay xaalada amniga ee casimada Muqdisho, oo ay sheegeen in xilliba xilliga kale sii xumaanaya, taasna ay ugu wacan tahay dowladda oo aan sameyn wax qorshe istiraatiijiyad Amni qaran.
Xisbiyada ayaa Sidoo kale ka hadlay gadoodka ciidamada oo ay ku tilmaameen maamulo xumo ka jirta qaabka tirakoobka iyo xaqsiinta Ciidamada, waxaana ay intaa ku dareen inay dhacday Ciidamo hal goob jooga in qeybna la siiyay xuquuqdooda, qeybna aan la siinin.
Ugu danbeyntii Xisbiya ayaa Waxaa ay xukuumada ugu baaqeen in si degdeg ah loo siiyo Ciidamada xuquuqdooda, sida mushaar, raashin iyo iidaan dhameystiran.
Halkan hoose ka akhriso War saxaafadeedka:
