Wararka aan ka heleyno Magaalada Boosaaso ee Xarunta Gobolka Bari ayaa waxa ay sheegayaan in halkaasi uu ka socdo Howlgal oo ay sameeynayaan Ciidamada amniga Puntland ee Boosaaso,kadib markii shalay halkaasi lagu dilay Nabadoon Caan ahaa .
Ciidamada ayaa howlgalkaasi ka wada xaafado ka tirsan Boosaaso,isla markaana waxa ay ku soo qabteen dad u badan dhalinyaro,kuwaasi oo looga shakiyay falal amni daro.
Dadkii lagu soo qabtay howlgalka ka socda Magaalada Boosaaso ayaa waxaa la sheegay in la geeyay Xabsi ku yaalla halkaasi, waxaana baaritaano ku wada Ciidamada amniga Boosaaso.
Shalay ayey aheyd markii Nin ku hubeysnaa Bastoolad uu Masjidka Mubaarak ee ku yaalla Xaafada laanta Hawada ee Magalada Boosaas ku dhex dilay Nabadoon Caan ka ahaa deegaanada maamulka Puntland,kaasi oo lagu magacaabi jiray Suldaan Bashiir Muuse Koonte.
Madaxweynaha maamulka Puntland ayaa laamaha amniga Boosaaso ku amray in ay gacanta ku soo dhigaan ragii ka dambeeyay falkii dilka ahaa shalay loo geystay Suldaan Bashiir Koonte.
Muddooyinkii dambe ayaa waxaa Magaalada Boosaaso ee Xarunta Gobolka Bari ku soo batay dilalka qorsheysan oo ay geysanayaan rag ku hubeysan Bastooladaha.
