Xafiiska Qaramada Midoobe ee Soomaaliya oo sanaadiiqda codbixinta geeyay dowlad goboleedyada Jubbaland iyo Puntland.

Guddiga hirgalinta doorashooyinka heer Dowlad Goboleed SEIT Puntland, ayaa maanta qalab ay kamid yihiin sanaadiiqda codbixinta kala wareegay Xafiiska Qaramada Midoobe ee Soomaaliya xafiiskooda Garoowe.

Waxaa sido kale maanta qalabkaan oo kale xafiiska UNSOM ee magaalada Kismaayo kula wareegay guddiga hirgalinta doorashooyinka heer Dowlad Goboleed SEIT ee Jubbaland.

Waxaa muuqata sida guddiyada hirgalinta doorashooyinka heer Federaal iyo heer Dowlad Goboleedba ay ugu diyaar garoobayaan qabashada doorashada Aqalka sare ee Baarlamaanka Jamhuuriyadda Federaalka Soomaaliya.