Masuuliiyinta wasaaradda maaliyadda iyo kuwa wasaaradda waxbarashada ayaa kulan ku saabsan baahiyaha dhinaca waxbarashada ee Soomaaliya oo ay ka midtahay maalgelin joogto ah ku yeeshay magaalada Muqdisho.
Wasiirka wasaaradda Maaliyadda XFS Dr. Cabdiraxmaan Ducaalle Bayle oo kulanka ka hadlay ayaa sheegay in isaga iyo Wasiiru-Dowlaha, Wasiir Ku-xigeenka & saraakiil sare ee wasaaradda waxbarashada ay isla meel dhigeen arrimaha hor tabin u leh waxbarashada Soomaaliya.
“Waxa aan ka wada hadalnay baahiyaha dhinaca waxbarashada ee Soomaaliya oo ay ka midtahay maalgelin joogto ah, maadaama Waxbarashadu ay tahay iftiinka Dadkeenna iyo horumarka bulshada” Ayuu yiri Wasiir Bayle.
