Taliyaha Cidanka Dhulka Soomaaliya oo kormeer ku tagay deegaano hoos taga Caasimadda Galmudug.

Taliye ku xigeenka ciidamada dhulka Soomaaliya S/G Xuseen Xoosh Cali Ayaa maanta kormeer shaqo ku tagay deegaano hoos taga Caasimadda Galmudug ee Dhuusamareeb.

Taliye Xuseen ayaa kormeerka shaqo ku tagay deegaanka Beer liibaan oo dhanka beri kaga beegan magaalada Dhuusamareeb.

Deeganada uu booqday taliyaha waxaa ku sugan ciidamo macawislay ah kuwaas oo ay dadka deegaanka abaabuleen una diyaarsan in ay la dagaalamaan kooxda Alshabaab.

Taliyaha ayaa dhiira galin u sameeyay ciidamada is abaabulay ee ku suganaa deegaanadii uu maanta booqday wuxuuna u balan qaaday in ay dowladu ku garab siin doonto howsha ay wadaan oo ah la dagaalanka Alshabaab.

Kormeerkan waxaa Taliyaha ku wehliyay, Saraakiil ka tirsan Qaybta 21-aad, Maamulka Degmada Dhuusamareeb oo uu horkacayay Duqa Degmada Macalin Cabdiraxmaan Geedaqoroow iyo Masuuliyiin kale.