Muqdisho (tusmotv.so) – Wasiirka Wasaaradda Gaashaandhigga xukuumada federaalka Soomaaliya Xasan Xuseen Xaaji ayaa kormeer Shaqo ku tagay Taliska Ciidanka Cirka Xoogga Dalka Soomaaliyeed.
Kormeerkan Shaqo Ee uu Wasiirka Wasaaradda Gaashaandhigga XFS Xasan Xuseen Xaaji ku tagay Taliska Ciidanka Cirka Xoogga Dalka Soomaaliyeed Ee afisooni ayaa ahaa mid uu ugu kuurgalayay Xaaladda ay ku suganyihiin Ciidanka Cirka iyo baahiyaha ay qabaan .
Wasiirka ayaa kulan la qaatay Saraakiisha Ciidanka Cirka Soomaaliyeed Waxaana uu ka dhageestay Warbixin la Xiriirta Xaaladda Ciidanka Cirka.
Taliyaha Ciidanka Cirka Xoogga Dalka Soomaaliyeed Jeneraal Maxamuud Sheekh Cali oo la hadlay Warbaahinta ka dib kulamadii ay la qaateen Wasiirka Wasaaradda Gaashaandhigga ayuu sheegay in Taliska Ciidanka Cirka ay ku faraxsanyihiin booqashada uu maanta ugu yimid Wasiirka Difaaca
Dhanka kale Wasiirka Wasaaradda Gaashaandhigga XFS Xasan Xuseen Xaaji ayaa tilmamay in ay ka go’antahay tayeenta iyo horumarinta guud ahaan Ciidanka XDS, Waxa uu Xusay in wasaaradda Gaashaandhigga XFS ay ku guuleysatay dib-u-habeynta CXDS sidaas si lamid ahna Wasaaradda Gaashaandhigga ay ka shaqeyn doonto horumarinta , qalabeynta , dib-u-dhiska Xarumaha Ciidamada Cirka oo uu sheegay in kaalin muuqata kaga jireen difaaca qaranimada Soomaaliya .
