Balanballe (Tusmotv.so) – Wasiirka Wasaaradda Arimaha gudaha, Federaalka iyo Dib-U-Heshidiinta Dowlad goboleedka Galmudug Cabdi Maxamed Jaamac Cabdi-Waayel ayaa gaaray Degmada Balanballe ee Gobolka Galgaduud.
Socodka wasiirku uu ku gaaray deeganada waqooyi galbeed ee Galmudug ayaa ku saabsanaa Xasilinta iyo nabad ku soo dabbaalidda deegaanadii dhowaan lagu dilay dadka shacabka ah.
Wasiirka ayaa la kulmay ciidamada 21aad iyo kuwa Gorgor ee halkaa ku sugan asagoona faray inay gacanta ku soo dhigaan dadkii dilka ka gaysatay deegaankaan iyo inay adkeeyaan amaanka guud ee deegaanka.
